ÍÞRF2ÍS03 - Saga íþróttanna

Lýsing

Í áfanganum er farið yfir helstu atriði í íslenskri íþróttasögu ásamt helstu þáttum í erlendri íþróttasögu s.s. Ólympíuleika. Fjallað er um gildi og hlutverk íþrótta í nútíma samfélagi. Komið er inn á félagslegar rannsóknir á sviði íþrótta á Íslandi, áhrif fjölmiðla á þróun íþrótta, kynjamun og íþróttaiðkun, ásamt tengingu fjármagns og auglýsinga við íþróttir. Fjallað er um stefnur í íþróttum, s.s. afreksmannastefnu íþróttahreyfingarinnar og afreksmannasjóð. Vikið er að skipulagningu íþróttahreyfingarinnar og uppbyggingu hérlendis og hvernig við tengjumst heimssamtökunum. Farið er yfir árangur íslendinga á Ólympíuleikum, íþróttir mismunandi hópa, íþróttir sem heilsueflingu, gildi íþrótta, forvarnir, áhrifamátt og tengsl fjölmiðla og fjármagns við íþróttir. Einnig eru íþróttir skoðaðar út frá áhrifum á samfélag nemanda.