Framreiðsla

Grunnnám matvæla- og ferðagreina

 Grunnnám matvæla - og ferðagreina er námsbraut með námslok á 1. þrepi. Námið er ætlað nemendum sem stefna að frekara námi í matvæla- og ferðagreinum. Námið felur í sér almenna menntun þar sem lögð er áhersla á alhliða þroska nemanda og lýðræðislega virkni. Námið er undirbúningur fyrir iðnnám í matreiðslu, bakstri, framreiðslu og kjötiðn en einnig er það undirbúningur fyrir frekara nám í matartækni og/eða í ferðaþjónustu. Nemendur fá bæði starfskynningu í matvæla- og ferðagreinum á vinnustöðum og fara í vinnustaðanám að eigin vali.

Nánari upplýsingar um brautina er hægt að nálgast hér.

Brautarlýsing

Framreiðslunám er verklegt og bóklegt fagnám sem lýkur með sveinsprófi á 3. hæfniþrepi. Námið er 224 einingar og fer fram í skóla og á viðurkenndum starfsnámsstöðum sem hafa rétt til að taka nemendur á námssamning. Námið er skipulagt sem 3 annir í skóla, ekki endilega samfelldar, og ræður framvinda  rafrænnar ferilbókar tíma á starfsnámsstað.   Til að ljúka námi í framreiðslu þarf að ljúka öllum hlutum náms, þ.m.t. vinnustaðanámi/starfsþjálfun sem staðfest er með lokum á rafrænni ferilbók.  Eftir útskrift getur nemandinn þreytt sveinspróf.

Inntökuskilirði

Nemendur þurfa að hafa lokið ákveðnum áföngum grunnnáms og vera á samningi í greininni til að hefja nám í framreiðslu (2. önn).

Annarplan