Stuðningur við nema af erlendum uppruna

Umsóknir

Nemendur úr grunnskóla á Íslandi

• Nemendur af erlendum uppruna sem stunda nám í grunnskóla á Íslandi sækja um skólavist líkt og aðrir grunnskólanemendur gegnum menntagatt.is og hefur grunnskólinn umsjón með því.

Aðrir

• Nemendur sem ekki hafa lokið grunnskóla á Íslandi sækja um á Innritunarvef menntamálastofnunnar is.
• Nánari upplýsingar á heimasíðu skólans. vma.is/is/innritun
• Einnig er hægt að hafa samband við verkefnastjóra erlendra nemenda

johanna. b.sveinbjornsdottir@vma.is.

Móttaka

Öllum erlendum nemendum er boðið í móttökuviðtal.

Viðtal að vori

• Starfsfólk VMA óskar eftir upplýsingum frá grunnskólum svæðisins snemma á vorönn og í framhaldi fá þeir nemendur sem það þurfa boð frá VMA um að koma í heimsókn. Með á fundinum er forráðamaður nemanda og kennari. Á fundinum er farið yfir námslega stöðu nemandans og gefnar eru upplýsingar um skólann og námsframboð.
• Einstaklingar sem eru nýlega komnir til landsins eru velkomnir í viðtal. Viðkomandi eða félagsráðgjafi óskar þá eftir viðtal og er í sambandi við verkefnastjóra, sem þá boðar til viðtalsins. Ef viðkomandi er yngri en 18 ára er forráðamaður með á fundinum auk félagsráðgjafans.
• Óski einstaklingur eftir túlkaþjónustu áður en skólavist er staðfest þarf viðkomandi sjálfur að útvega og greiða fyrir túlk.

Viðtal að hausti

• Nemendur sem komu í viðtal að vori er boðið í annað viðtal að hausti. Þá er farið nánar yfir stoðþjónustu og námsfyrirkomulag. Með á fundinum er forráðamaður ef viðkomandi er yngri en 18 ára og túlkur, eftir þörfum
• Þeir nemendur sem eru lengra komnir í íslensku koma í viðtal í skólabyrjun. Með á fundinum er forráðamaður sé viðkomandi yngri en 18 ára, og túlkur, eftir þörfum. Á fundinum fær nemandi upplýsingar um skólann og námsframboð, stoðþjónustu og námsfyrirkomulag.
• Skólinn útvegar og greiðir túlkaþjónustu fyrir nemendur sína ef þörf krefur.

Verkefnastjóri fylgir öllum viðtölum eftir og kallar nemendur og forráðamenn til sín ef þörf þykir.

Námið við VMA

Allt nám í skólanum fer fram á íslensku. Nemendur innritast á almennar brautir og nám svo sniðið að hæfni og þörfum hvers og eins.

• Í skólanum er boðið uppá
  ÍSAN: íslenska sem erlent mál, 3 x 70 mín á viku eftir getu
• MELÆ: Menningarlæsi fyrir þau sem eru af erlendum uppruna og eru nýlega komin til landsins
• STUÐ: Stuðningur við aðlögun að nýju skólasamfélagi og lífinu á nýjum stað
• Aðrir áfangar eftir áhuga og getu
• Nánari upplýsingar um námið er hægt að nálgast hjá Jóhönnu Björk Sveinbjörnsdóttir verkefnastjóra erlenda nema. 
• Upplýsingar til foreldra og nemenda af erlendum uppruna er hægt að nálgast hjá Jóhönnu Björk Sveinbjörnsdóttir verkefnastjóra erlenda nema, johanna.b.sveinbjornsdottir@vma.is