SÁLF2SD05 - Sálfræði daglegs lífs

Áfangalýsing:

Í áfanganum læra nemendur aðferðir sálfræðinnar til þess að takast á við eigin líðan. Fjallað verður um hvernig hægt er að hafa áhrif á eigin hugsanir og tengsl þeirra við líðan. Nemendum eru kenndar leiðir til sjálfstyrkingar og hvernig hægt er að takast á við kvíða og streitu. Nemendur gera verkefni í anda jákvæðrar sálfræði, þjálfast í núveitundaræfingum og slökun. Einnig verður komið inn á samskipti og samskiptahæfni. Þá verða uppbyggilegar samskiptaleiðir kynntar fyrir nemendum ásamt því að þeim kenndar leiðir til þess að byggja upp sjálfstraust.

Markmið:

Nemandi skal hafa öðlast þekkingu og skilning á:

• Hugsanaskekkjum
• Hvernig þættir í eigin hegðun og umhverfi hafa áhrif á líðan
• Mismunandi leiðir til samskipta og að leysa ágreining á uppbyggilegan hátt
• Aðferðir til þess að koma í veg fyrir streitu og bæta líðan með núvitundaræfingum og sálfræðilegum aðferðum og heilbrigðu lífi

Nemandi skal hafa öðlast leikni í að:

• Meta eigið streituástand og sjálfstraust
• Finna út hvaða áhrif lífstíll hefur á líðan
• Endumeta hugsanir og tilfinningar sem hafa neikvæð áhrif á líðan
• Iðka hugrækt eins og slökun og núvitund
• Meta hvaða samskiptaleiðir henta í mismunandi aðstæðum

Nemandi skal geta hagnýtt þá almennu þekkingu og leikni sem hann hefur aflað sér til að:

• Hafa áhrif á eigin líðan með sálfræðilegum aðferðum
• Takast á við streitu og neikvæða líðan sem kann að koma upp í daglegu lífi
• Vera í jákvæðum samskiptum í einkalífi og starfi