Matreiðsla

Matreiðsla

Matreiðslumaður sinnir hvort tveggja sígildri og nútíma matargerð á fjölbreyttan hátt, allt frá heimilislegum hversdagsmat að margrétta veislumáltíð. Starfsvettvangur matreiðslumanna er víða þar sem veitingar eru seldar svo sem á hótelum og veitingahúsum eða þar sem matreiðsla er hluti þjónustu líkt og í mötuneytum. Matreiðsla er löggilt iðngrein. Sem matreiðslumaður gætirðu einnig sinnt sérhæfðum verkefnum; sýningum og kynningum þar sem matur og matargerð koma við sögu.

Brautarlýsing

Matreiðslunám er verklegt og bóklegt fagnám sem lýkur með sveinsprófi á 3. hæfniþrepi. Námið er 290 einingar og fer fram í skóla og á viðurkenndum starfsnámsstöðum sem hafa rétt til að taka nemendur á námssamning. Námið er skipulagt sem 4 annir í skóla (ekki samfelldar) og ræður framvinda rafrænnar ferilbókar tíma á starfsnámsstað. Til að ljúka námi í matreiðslu þarf að ljúka öllum hlutum náms, þ.m.t. vinnustaðanámi/starfsþjálfun sem staðfest er með lokum á rafrænni ferilbók. Eftir útskrift getur nemandinn þreytt sveinspróf.

Inntökuskilyrði

Nemendur þurfa að hafa lokið ákveðnum áföngum grunnnáms og vera á samningi í greininni til að hefja nám í matreiðslu (2. önn).

Annarplan

ATH! Hópur verður á lokaönn (3. ár) vorönn 2025 og stefnt er að því að setja í boð nám á 2. ári á vorönn 2026.
Nánari upplýsingar veitir sviðsstjóri verknáms í síma 464-0300.