LISA2RA05 - Listasaga 19. og 20. aldar

Abstrakt expressionismi, Rómantík

Einingafjöldi: 5
Þrep: 2
Forkröfur: LISA1HN05

Í áfanganum lærir nemandinn um forsendur sjónlista frá rómantík á fyrri hluta 19. aldar fram að popplistinni um 1960. Hann gerir sér grein fyrir eðli þeirra þátta sem mótað hafa listsköpun mannsins á hverjum tíma. Helstu þræðir listasögunnar eru raktir og settir í samhengi við samfélagsgerð og samfélagsbreytingar, stjórnarfar, heimspeki, hugmyndafræði og tæknibreytingar. Ljósi er varpað á áhrif tímabilsins á nútímalistir. Nemandinn vinnur undir leiðsögn kennara þar sem kallað er eftir að hann sé virkur, skapandi og sjálfstæður í þekkingarleit. Nemandinn nýtir sér fjölbreytta miðla við upplýsingaöflun og þekkingarleit og nýtir sér tölvutækni og/eða nýmiðla við framsetningu verkefna sinna. Áhersla er lögð á ígrundaða hugsun og rökstuðning hugmynda.

Þekkingarviðmið

helstu stíleinkennum í myndlist frá rómantík til abstrakt expressionisma
þeim hugtökum, aðferðum og heimspeki sem felast í listasögu
verkum helstu myndlistarmanna á tímabilinu frá Rómantík að Popplist
menningarlegu og lýðræðislegu gildi lista
gildi þekkingar á listasögu
hvernig samfélagsgerð og tíðarandi hefur áhrif á hugmyndir, viðfangsefni og vinnuaðferðir myndlistarmanna
áhrifum tímabilsins á þróun nútímalistar

Leikniviðmið

vinna á skapandi hátt í einstaklings- og hópverkefnum áfangans og sýna frumkvæði
taka þátt í samvinnu, upplýsingaöflun og samræðum í kennslustundum með sameiginlegt markmið hópsins að leiðarljósi
nota heimildir samkvæmt APA kerfinu eða öðrum sambærilegum skráningarkerfum heimilda
beita innsæi, tilfinningu og sjálfstæðum vinnubrögðum við útfærslu verkefna undir leiðsögn kennara

Hæfnisviðmið

tjá sig um strauma og stefnur í heimi lista á því tímabili sem áfanginn spannar og miðla þekkingu sinni á skýran og gagnrýninn hátt
gera þekkingu sinni skil með margvíslegum hætti, skriflega, munnlega og með nýmiðlum
taka þátt í uppbyggilegri og frjórri samræðu um verkefni sín og annarra,
ígrunda og rökstyðja mál sitt
beita faglegum hugtökum til að tjá sig um þekkingu sína á stíleikennum, stílbrögðum og túlkunarleiðum í heimi lista á því tímabili sem áfanginn spannar

Nánari upplýsingar á námskrá.is