SAGA2UT05 - Trúarbragðasaga

eðli og þróun trúarbragða, trúarlíf á Íslandi, uppruni

Einingafjöldi: 5
Þrep: 2
Forkröfur: SAGA2SÍ05 eða sambærilegur áfangi

Fjallað um trúarbrögð í víðu samhengi. Reynt verður að grafst fyrir um tilurð, sögu og þróun hinna ýmsu trúarbragða, könnuð verður sérstaða þeirra og tengsl við önnur trúarbrögð. Skoðað verður hvernig trúarbrögðin móta lifnaðarhætti, siði, venjur, gildismat, hugsunarhátt og heimsmynd fólks í ýmsum menningarsamfélögum. Mest verður fjallað um sögu og einkenni eingyðistrúarbragðanna gyðingdóms, kristni og íslam. Fjallað verður um tengsl þessara trúarbragða og stöðu þeirra í nútímanum. Þá verður nokkur áhersla lögð á að kanna fjölbreytt trúarlíf Íslendinga nú á tímum. Lögð er áhersla á að nemendur þjálfist í notkun heimilda og lestri fræðilegra texta, gagnrýninni hugsun og sjálfstæðum vinnubrögðum.

Þekkingarviðmið

meginlínum í trúarbrögðum mannkyns, skiptingu jarðarbúa eftir trúarbrögðum og helstu tölfræðilegu staðreyndum varðandi efnið
uppruna, eðli og þróun nokkurra fjölgyðistrúarbragða
uppruna og þróun eingyðistrúarbragðanna gyðingdóms, kristni og íslam
þrískiptingu kristninnar í kaþólsku kirkjuna, rétttrúnaðakirkjuna og mótmælendakirkjudeildir og ástæðum fyrir skiptingu og mismun
klofningi innan íslams, ástæðum hans og áhrifum á nútímann

Leikniviðmið

lesa fræðilega texta og túlka merkingu þeirra
ræða og rita um trúmál af þekkingu og fordómaleysi
nota heimildir á gagnrýninn hátt
miðla þekkingu sinni til annarra á fjölbreyttan hátt

Hæfnisviðmið

útskýra þróunarlínur helstu trúarbragða, einkenni þeirra, mismun og innbyrðis tengsl
taka þátt í umræðum um trúmál af þekkingu og fordómaleysi
meta gildi frétta, heimildamynda og annars efnis um trúmál með gagnrýnu hugarfari og af þekkingu og víðsýni
átta sig á innbyrðis tengslum og líkindum á milli fjölgyðistrúarbragða
skilji innbyrðis tengsl og skyldleika eingyðistrúarbragðanna og þau atriði sem eru ólík, t.d. varðandi helgihald og afstöðu þeirra til spámanna

Nánari upplýsingar á námskrá.is