HÖTE3ST06(AV) - Sniðteikning
saumtækni, sniðteikning, teikning grunnsniða
Einingafjöldi: 6
Þrep: 3
Forkröfur: HÖTE2FA06, HÖTE2HU05
Þrep: 3
Forkröfur: HÖTE2FA06, HÖTE2HU05
Í áfanganum lærir nemandinn að hanna og sauma fóðraða utanyfirflík. Hann kynnist sníðagerð og saumi á ýmsum saumtækniatriðum t.d. krögum og ýmsum gerðum af vösum. Nemandinn þjálfast í útreikningi á efnismagni og skipulagi við að leggja snið á efni. Lögð er áhersla á teikningu grunnsniða og þau notuð til að vinna flóknari sniðútfærslur í einum fjórða mælikvarða til yfirfærslu í raunstærðir. Lögð er áhersla á skipulagt vinnuferli og þjálfun í mátun sniða með saumi á prufuflíkum og leiðréttingu sniða eftir mátun. Mikilvægt er að nemandinn öðlist færni í að vinna og þróa eigin hugmyndir í fatagerð. Mikilvægt er að nemandinn þroski með sér tilfinningu fyrir formi og litum.
Þekkingarviðmið
- hvernig fóðra á flík
- nokkrum algengum saumtækniatriðum s.s kraga og vasa
- hvaða hráefni henta í utanyfirflíkur
- notkun flísilíns í flíkum
- uppbyggingu grunnsniðs af jakka með tilheyrandi viðbótarvídd
- hvernig reikna skal út efnismagn samkvæmt sniðum
Leikniviðmið
- skissa hugmyndir, teikna tískuteikningar og flatar vinnuteikningar
- útfæra snið eftir eigin teikningum í smærri mælikvarða og yfirfæra í raunstærð
- framkvæma sniðútfærslur á grunnsniði fyrir jakka
- teikna snið af fóðraðri flík
- sníða og sauma fóður inn í flík
- nota flísilín á réttan hátt
- reikna út efnismagn fyrir flík
Hæfnisviðmið
- afla upplýsinga í tenglsum við hugmyndavinnu og vinnuskýrslu
- gera snið af fóðraðri utanyfirflík
- gera saumtækniprufur af vösum og krögum
- vinna snið í efni og sauma fóðraða utanyfirflík á skipulagðan og vandaðan hátt