HBFR1HH05(AV) - Heilbrigðisfræði

forvarnir, heilbrigðisvandamál, heilbrigðisþjónusta

Einingafjöldi: 5
Þrep: 1
Forkröfur: engar

Í áfanganum er heilbrigðishugtakið skilgreint. Lögð er áhersla á hlutverk og sögulega þróun heilbrigðisfræði og áhrif hennar á nútíma heilbrigðismál. Fjallað er um helstu heilbrigðisvandamál í nútíma samfélagi og forvarnir gegn þeim. Fjallað er um skipulag heilbrigðisþjónustunnar og helstu stofnanir, sem móta stefnu í forvörnum, heilsueflingu og heilbrigðisfræðslu. Einnig er fjallað um smitsjúkdómavarnir, kynsjúkdómavarnir, tóbaksvarnir, áfengis- og vímuefnavarnir, geðvernd, beinvernd og mæðra- og ungbarnavernd. Fjallað er um umhverfisheilbrigðisfræði og tengsl mengunar og sjúkdóma skoðuð ásamt helstu mengunarvörnum. Áhersla er lögð á forvarnarstarf gegn sjúkdómum og slysum, áhættuþætti sem þeim tengjast og hvernig einstaklingar geta haft áhrif á eigið heilbrigði.

Þekkingarviðmið

heilbrigðishugtakinu
sögulegri þróun heilbrigðisfræði og áhrifum á heilbrigðismál
helstu heilbrigðisvandamálum í nútíma samfélagi og forvörnum gegn þeim
uppbyggingu og skipulagi heilbrigðisþjónustunnar á Íslandi
aðferðum og aðgerðum sem stuðla að heilsueflingu og forvörnum sjúkdóma
ábyrgð einstaklingsins á eigin heilsu
helstu umhverfisþáttum sem ógnað geta heilbrigði

Leikniviðmið

lýsa uppbyggingu og skipulagi heilbrigðisþjónustunnar á Íslandi
afla á fjölbreyttan hátt þekkingar um aðgerðir og aðferðir sem stuðla að slysavörnum, heilsueflingu og forvörnum sjúkdóma
sýna í verki að hann tekur ábyrgð á eigin heilsu
gera grein fyrir umhverfisþáttum sem geta ógnað heilbrigði manna

Hæfnisviðmið

útskýra heilbrigðishugtakið út frá mismunandi menningarheimum
greina samspil lífsstíls og heilsu
greina eigin lífsstíl og áhættuþætti tengda honum
álykta um áhrif heilbrigðisfræðinnar á þróun heilbrigðismála í nútímanum
miðla á skapandi hátt upplýsingum um helstu heilbrigðisvandamál og forvarnir þeirra

Nánari upplýsingar á námskrá.is