VÉLV3SE03 - Stillingar og eftirlit með vélbúnaði vélhjóla
eftirlit, stilling vélarhluta
Einingafjöldi: 3
Þrep: 3
Forkröfur: VÉLV2VT03
Þrep: 3
Forkröfur: VÉLV2VT03
Unnið út frá upplýsingum framleiðanda við algengar stillingar og eftirlit með vélbúnaði vélhjóla. Kenndar einfaldar ytri stillingar á hinum ýmsu vélarhlutum vélhjóla, svo sem stilliskrúfur blöndunga og samstilling þeirra þegar margir blöndungar tengjast saman. Kennd vinnubrögð við strekkingu og eftirlit með tímakeðjum og tímareimum. Sjálfvirkir strekkjarar skoðaðir. Kennd vinnubrögð við skipti á kertum og mat á ástandi þeirra. Kennd vinnubrögð og umgengni við olíu- og olíusíuskipti ásamt meðferð úrgangsolíu og notaðra sía. Kennd viðbrögð við leka á olíum, kælivökva og eldsneyti. Skoðuð skipti og eftirlit á loftsíum ásamt skipulegu viðhaldi samkvæmt leiðbeiningum framleiðanda.
Þekkingarviðmið
- ytri stillimöguleikum blöndunga
- einkennum slæmrar samstillingar blöndunga
- einkennum og afleiðingum slaka á tímakeðjum og tímareimum
- umgengnisreglum við eldsneyti, olíur og aðra vökva sem á vélunum eru
Leikniviðmið
- framkvæma stillingar á stilliskrúfum blöndunga
- stilla saman virkni blöndunga
- skipta á kertum
Hæfnisviðmið
- vinna eftir fyrirmælum framleiðanda vélhjóla
- yfirfara strekkingu á tímakeðjum og tímareimum í vélhjólum
- gæta að umhverfisáhrifum við meðhöndlun hinna ýmsu vökva sem eru á hjólunum
- meta ástand kerta