BVAF3SV05 - Sjálfskipting og vökvakerfi

Fjallað um gerð og virkni vökvakerfa í ökutækjum íhluti þeirra m.a. vökvadælur, strokka, vökvalagnir og vökvahreyfla. Farið í grunnreglur og útreikning á afli, vægi, afköstum, nýtingu og þrýstingi. Gerð ástandsskoðun á vökvakerfi, mældur kerfisþrýstingur og farið yfir nauðsyn reglubundins viðhalds og val á olíu fyrir vökvakerfi. Farið er yfir gerð og virkni sjálfvirkra gírkassa og íhluti þeirra. Farið er í grunnreglur og útreikninga á afli, vægi og afköstum. Fjallað er um reglubundið viðhald, ástandsskoðun og prófanir og mat á ástandi íhluta. Farið yfir vökvakerfisolíur og síur, vökvaleiðslur og tengi fyrir sjálfvirka gírkassa og almenn vökvakerfi. Þá er fjallað um hættur þegar unnið er undir ökutæki, meðhöndlun þungra hluta og skaðsemi olíu. Sérstök áhersla er lögð á hreinlæti og nákvæmni í vinnu við vökvakerfi.