HJÚK2ÖH05(AV) - Hjúkrun fullorðinna 1

hugmyndafræði, öldrun

Einingafjöldi: 5
Þrep: 2
Forkröfur: HJÚK2TV05

Í áfanganum er fjallað um stöðu aldraðra í samfélaginu og þá félagsþjónustu sem öldruðum stendur til boða. Jafnframt er lögð áhersla á sjálfsákvörðunarrétt aldraðra og þau réttindi sem öldruðum eru tryggð samkvæmt lögum. Hugmyndafræði og helstu kenningar í öldrunarhjúkrun eru skoðaðar. Farið er yfir helstu andlegar, félagslegar og líkamlegar breytingar sem fylgja hækkandi aldri. Fjallað er um helstu sjúkdóma og heilsufarsvandamál sem hrjá aldraða og viðeigandi hjúkrun. Kynntar eru aðferðir til þess að meta áhrif sjúkdóma og heilsubrests á virkni og vellíðan aldraðra. Fjallað er um mikilvægi heilbrigðs lífsstíls á efri árum með áherslu á forvarnir og heilsueflingu til að auka lífsgæði og vellíðan aldraðra. Sorg og sorgarviðbrögð eru tekin til umfjöllunar. Lögð er áhersla á sérstakar hjúkrunarþarfir einstaklinga við lífslok og líknarmeðferð. Mikil áhersla er lögð á þverfaglega samvinnu, fagleg vinnubrögð, yfirsýn og heildræna nálgun við hjúkrun aldraðra hvort sem er á stofnunum eða á heimilum.

Þekkingarviðmið

líkamlegum, andlegum og félagslegum breytingum sem fylgja hækkandi aldri
áhrifum algengra öldrunarsjúkdóma á virkni og lífsgæði aldraðra
aðferðum og mælitækjum sem notuð eru til að meta vitsmunalega færni, sjálfsbjargargetu og aðstæður aldraðra
forvarnargildi og mikilvægi heilbrigðis lífsstíls á efri árum
þeirri þjónustu og stuðningi sem öldruðum stendur til boða í samfélaginu
kenningum sem fjalla um aðlögun að heilsubresti, sorg og missi
lífsloka- og líknarmeðferð
þverfaglegri teymisvinnu í málefnum aldraðra

Leikniviðmið

nota viðurkenndar aðferðir og kvarða til þess að meta sjálfbjargargetu aldraðra
hjúkra öldruðum á heildrænan hátt með tilliti til félagslegs, andlegs og líkamlegs ástands
hjúkra öldruðum á líknandi meðferð og við lífslok
greina mun á eðlilegum öldrunarbreytingum og sjúkdómsástandi hjá öldruðum
greina áhrif öldrunarbreytinga á virkni og lífsgæði aldraðra

Hæfnisviðmið

taka þátt í þverfaglegri teymisvinnu um málefni aldraðra
miðla á faglegan hátt upplýsingum um hjúkrun aldraðra
fræða aldraða um heilbrigðan lífsstíl og þá þjónustu sem þeim stendur til boða í samfélaginu
nýta kenningar um aðlögun að sorg og missi í hjúkrunarstörfum

Nánari upplýsingar á námskrá.is