RTMV2DA05(AV) - Rafeindatækni 2
Diac, FET transistorar, aðgerðamagnarar, triac
Einingafjöldi: 5
Þrep: 2
Forkröfur: RTMV2DT05
Þrep: 2
Forkröfur: RTMV2DT05
Áfanginn er framhald af RATÆ2DT05 og er hér haldið áfram að fjalla um BJT transistora. Þeir eru nú skoðaðir sem magnarar í mismunandi tengingum. Einnig er farið í aðra hálfleiðaraíhluti svo sem týristora (SCR, DIAC, TRIAC), virkni þeirra og notkun. Nemandinn kynnist einnig FET – transistorum og aðgerðamögnurum í þessum áfanga, helstu reikningum og notkunarmöguleikum þeirra. Nemandinn gerir mælingar bæði með mælitækjum og hermiforriti.
Þekkingarviðmið
- hvernig hægt er að nota BJT transistora sem magnara
- hvernig SCR, DIAC, TRIAC týristorar virka, skoða tákn og helstu notkunar möguleika
- táknum og DC-reikningum varðandi FET transistora (JFET, MOSFET)
- helstu táknum, virkni- og notkunarmöguleikum aðgerðarmagnara
Leikniviðmið
- framkvæma alla helstu reikninga varðandi BJT transistora bæði AC og DC
- framkvæma DC-reikninga í rásum með FET-transistorum
- framkvæma mælingar á rásum með hinum ýmsu hálfleiðaraíhlutum
- reikna helstu stærðir í BJT transistorum og framkvæma mælingar
- reikna mögnun í aðgerðamagnararásum
Hæfnisviðmið
- tengja eftir teikningu allar helstu gerðir magnara með BJT-transistorum og framkvæma á þeim reikninga og mælingar bæði hvað varðar AC-og DC
- tengja eftir teikningu magnara með FET-transistorum og gera á honum DC-reikninga og mælingar
- nýta hermiforrit við gerð mælinga og setja niðurstöður mælinga fram í skýrslu
- tengja og framkvæma mælingar á magnararás með aðgerðarmagnara
- tengja eftir teikningu og framkvæma mælingar á rásum með öðrum hálfleiðaraíhlutum s.s. DIAC, TRIAC og SCR