STAÞ2SH30(AV) - Starfsþjálfun húsasmiða 2

starfsþjálfun húsasmiða

Einingafjöldi: 30
Þrep: 2

Nemandinn vinnur með sjálfstæðum hætti við fjölbreytta verkþætti á vinnustað og öðlast þjálfun, leikni og hæfni í að vinna sem húsasmiður. Nemandinn tekur sjálfstæðar ákvarðanir hvað varðar framvindu þeirra verka sem hann vinnur. Hann nýtir þá þekkingu og hæfni sem hann öðlast til að vinna við margskonar verk. Eftirfylgni með vinnu nemandans á tilgreindum verkþáttum er með ferilbók, sem nemandinn og iðnmeistari fylla inn í eftir framvindu. Æskilegt er að starfsþjálfun sé lokið áður en nemandinn hefur nám á lokaönn í skóla. Skólinn hefur eftirlit með starfsþjálfun nemandans og staðfestir hana með samþykkt sinni á ferilbókinni.

Þekkingarviðmið

byggingu og viðhaldi mannvirkja úr steinsteypu og tré
smíði og uppsetningu glugga, hurða og innréttinga
helstu aðferðum og tækjum við mælingar og notkun á nýjustu mælitækni
byggingareglugerð og skipulagslögum
reglugerðum er tengjast byggingarvinnusvæðum
lögum og reglugerðum sem fjalla um gömul hús

Leikniviðmið

vinna eftir teikningum og verklýsingum
byggja mannvirki úr steinsteypu og tré
vinna á trésmíðaverkstæði
fara eftir reglum um öryggi og hollustuhætti á vinnustað

Hæfnisviðmið

vinna sem húsasmiður og leysa verkefni sem tilheyra greininni
vinna eftir teikningum og verklýsingum við húsasmíði
fylgja þeim öryggiskröfum sem gerðar eru á vinnustað
nýta sér mismunandi námsleiðir að námi loknu

Nánari upplýsingar á námskrá.is