TIMB3VS16(AV) - Timburhús

Í áfanganum lærir nemandinn um smíði staðbyggðra timburhúsa með áherslu á undirstöður, burðarvirki, klæðningu, einangrun, uppsetningu glugga og hurða, auk almenns frágangs. Nemandinn lærir um útfærslu einstakra byggingarhluta, efnisval, staðsetningu á stoðum, bitum og sperrum ásamt öryggis- og gæðamálum. Áfanginn er að mestu leyti verklegur þar sem nemendinn fær þjálfun í almennum verkþáttum húsasmíða eins og meðferð áhalda og tækja, notkun smíðisfestinga og yfirborðsmeðferð. Áfanginn er á námsbraut í húsasmíði og lögð er áhersla á sjálfstæð og skipulögð vinnubrögð.