VÉLS3SV04(AV) - Vélstjórn 5

stjórnun véla og vélbúnaðar, þjálfun í vélhermum

Einingafjöldi: 4
Þrep: 3
Forkröfur: VÉLS3VK04

Nemandinn þjálfast í keyrslu vélarúms og vélbúnaðar. Með vélhermum kynnist nemandinn daglegum rekstri vélarúms, frá köldu skipi til fullrar aflnotkunar. Viðbrögð við bilunum þjálfuð. Nemandinn ræsir allan búnað vélarrúmsins og rekur vélarrúmið með hjálp viðvörunarkerfa hermisins í tilgreindan tíma. Nemandinn bregst við gangtruflunum, greinir bilanir og kemur búnaðinum í rétt horf. Nemandinn öðlast hagnýta verklega þjálfun við stjórn á brunavél ásamt viðeigandi stoðkerfum í vélarhermi. Nemendur annast allan daglegan rekstur vélarrúms frá stjórnstöð, sinna bilanagreiningu og nýta sér upplýsingar frá framleiðendum, afgasvaka og viðvörunarkerfi til að tryggja öruggan rekstur vélarúmsins.

Þekkingarviðmið

stjórntækjum vélarúmshermis
daglegum rekstri vélarúms
virkni og uppbyggingu véla og vélbúnaðar, svo sem stýrisvéla, sjó- og ferkvatnsdæla, ferskvatnseimis og rafmagnsframleiðslu
hvernig véladagbók er færð og notuð
hvernig skipt er yfir á brúarstjórn og samskiptum milli brúar og vélarúms á að vera háttað

Leikniviðmið

ræsa og stöðva einstök tæki vélarrúmsins og stoðkerfa þess í vélarúmshermi á þann hátt að tækjum og búnaði verði ekki misboðið
forgangsraða á eðlilegan hátt vinnu í vélarúmi
tímasetja verk miðað við aðstæður
afla upplýsinga um ástand vélbúnaðar og stoðkerfa
vinna með öðrum stjórnendum að viðbrögðum og hættum sem upp geta komið varðandi búnað og öryggi skips

Hæfnisviðmið

standa vaktir í vélarúmi og bregðast við bilunum og áreiti varðandi búnað
taka ákvarðanir um stjórntök eða viðbrögð við óeðlilegu ástandi vélbúnaðar eða stoðkerfa og gera viðeigandi ráðstafanir
nýta kerfismyndir og handbækur sem hjálparbúnað við bilanagreiningu og viðbrögð við bilunum
vinna sjálfstætt og taka frumkvæði sem vélstjóri

Nánari upplýsingar á námskrá.is