Árshátíð VMA í íþróttahúsi Síðuskóla í kvöld

Árshátíð VMA verður í kvöld, þriðjudagskvöld, í íþróttahúsi Síðuskóla og hefst hún kl. 19. Húsið verður opnað kl. 18:30. Gert er ráð fyrir að dansleikur að loknu borðhaldi hefjist kl. 23.

Veislustjórar í kvöld verða Auddi og Steindi Jr. Eyþór Ingi Gunnlaugsson stjórnar fjöldasöng á meðan á borðhaldi stendur en aðrir skemmtikraftar verða KÁ-AKÁ, GKR og Bent og Blezroca að ógleymdum Páli Óskari, hinum eina og sanna, sem kemur fólki í réttan dansgír. 

Vegna árshátíðarinnar í kvöld verður engin kennsla í fyrstu tímunum í fyrramálið. Kennsla hefst kl. 11.25 samkvæmt stundaskrá.