Bjarki Viðarsson gerði það gott með U-17 landsliði Íslands

Bjarki Viðarsson, nemandi á fyrsta ári í VMA, var í U-17 landsliðshópi Íslands í knattspyrnu sem gerði sér lítið fyrir og sigraði sinn riðil í forkeppni Evrópumóts landsliða. Þar með tryggði liðið sér sæti í milliriðli Evrópumótsins þar sem kemur í ljós hvort liðið nær alla leið í úrslitakeppnina.

Bjarki Viðarsson, nemandi á fyrsta ári í VMA, var í U-17 landsliðshópi Íslands í knattspyrnu sem gerði sér lítið fyrir og sigraði sinn riðil í forkeppni Evrópumóts landsliða. Þar með tryggði liðið sér sæti í milliriðli Evrópumótsins þar sem kemur í ljós hvort liðið nær alla leið í úrslitakeppnina.

Riðillinn var spilaður í Rússlandi og var þriðji og síðasti leikur Íslendinga gegn heimamönnum í gær og  sigruðu með tveimur mörkum gegn einu. Áður hafði íslenska liðið gert 3-3 jafntefli við Asera og unnið Slóvaka 4-2. Sigurinn á Rússum í gær tryggði Íslendingum sigurinn í riðlinum og þar með sæti í milliriðli.

Þessir leikir í Rússlandi voru fyrstu leikir KA-piltsins Bjarka Viðarssonar í landsliðstreyju Íslands. Hann spilaði seinni hálfleik fyrsta leiksins gegn Aserum í stöðu hægri bakvarðar og síðan allan leikinn í sömu stöðu gegn bæði Slóvökum og Rússum og skilaði sínu af stakri prýði.

Annar leikmaður úr KA, Ólafur Hrafn Kjartansson, var í þessum U-17 landsliðshópi Íslands í Rússlandi, en vegna meiðsla kom hann ekki við sögu í leikjunum þremur.