Fátt hægt að finna að VMA

Góður starfsandi ríkir innan Verkmenntaskólans á Akureyri og eru samskipti starfsfólks við nemendur góð. Starfsánægjan mælist há, kennarar hafa fjölbreytta menntun og faglegt frelsi þeirra er mikið. Þetta kemur fram í úttekt sem gerð var á skólanum fyrir mennta- og menningamálaráðuneyti.

Morgunblaðið birti  frétt í gærkvöld þar sem fjallað er um úttekt sem gerð var á skólanum.

Góður starfsandi ríkir innan Verkmenntaskólans á Akureyri og eru samskipti starfsfólks við nemendur góð. Starfsánægjan mælist há, kennarar hafa fjölbreytta menntun og faglegt frelsi þeirra er mikið. Þetta kemur fram í úttekt sem gerð var á skólanum fyrir mennta- og menningamálaráðuneytið.

Verkmenntaskólinn er stærsti framhaldsskóli landsins utan Reykjavíkur. Í úttektinni er fátt fundið að starfseminni en meðal annars er bent á að eitthvað sé um þunglyndi, kvíða og tölvufíkn meðal nemenda. Þá segir að á upptökusvæði skólans skorti fleiri úrræði í sálfræði- og geðlæknisþjónustu.

Niðurskurður í kjölfar efnahagshrunsins hér á landi hefur að miklu leyti komið niður á húsnæði og búnaði skólans, en minna á faglegu starfi. Helstu styrkleikar skólans eru taldir gæðakerfi hans, fjölbreytt námsval, menntaðir kennarar, góð þjónusta við nemendur með sérþarfir og almennt ánægðir nemendur.

Veikleikarnir eru hins vegar þeir, að dregið hefur úr endurmenntun kennara, opinn hugbúnaður í skólanum virðist þá hamla starfi á sumum brautum, tæki þarfnast endurnýjunar og viðhalds.

Sjá frétt á mbl.is

 

mynd - mbl.is/Skapti