Gleðidagur í VMA í dag

Búist er við mörgum ljótum jólapeysum.

Í dag, þriðjudag, er gleðidagur í skólanum. Meðal annars eru nemendur, jafnt sem starfsmenn skólans hvattir til þess að klæða sig upp í tilefni dagsins í fatnað sem minnir á aðventuna, ljótujólapeysudagurinn er hann kallaður. Í löngu frímínútunum verður boðið upp á viðeigandi hressingu á aðventunni og Þórduna sér um skemmtiatriði. Og ætlunin er einnig að safna undirskriftum í átaki Amnesty International, Bréf til bjargar lífi. Tilvalið tækifæri til þess að eiga notalega stund saman núna undir lok annarinnar.