Grunnskólanemar fjölmenntu í VMA - opið hús kl. 16:30-18:30 í dag
20.02.2020
Grunnskólakrakkar á listnámsbraut.
Það var fjölmennt í VMA í gær þegar nemendur úr grunnskólum af Norðurlandi, utan Akureyrar, heimsóttu skólann og kynntu sér það fjölbreytta nám sem hann býður upp á. Í dag, fimmtudag, verður áfram gestkvæmt í skólanum því nemendur grunnskóla Akureyrar koma í heimsókn og fá kynningu á skólanum og seinnipartinn í dag, kl. 16:30-18:30, verður síðan opið hús í skólanum og eru allir hjartanlega velkomnir að koma og kynna sér starfsemina og fá vonandi svarað öllum þeim spurningum sem kunna að vakna.
Hilmar Friðjónsson kennari var með myndavélina á lofti í gær og tók myndir af grunnskólanemum í VMA.