Jólaball í VMA í kvöld
02.12.2021
Flóni og DJ Júlía sjá um að halda uppi fjörinu.
Í kvöld, fimmtudaginn 2. desember, stendur Þórduna – nemendafélag fyrir jólaballi í M-01 í VMA, að kvöldi næstsíðasta kennsludags annarinnar.
Þetta verður grímulaust ball en til þess að það verði hægt ber að framvísa ekki eldra en 48 klukkustunda Covid-hraðprófi við innganginn. Hægt er að panta hraðpróf á hradprof.is
M-01 verður að lokinni kennslu í dag breytt í alvöru jólaballsstað.
Flóni og DJ Júlía sjá um að allir skemmti sér í botn.
Verð aðgöngumiða kr. 1500 fyrir Þórdunufélaga en 2500 kr. fyrir aðra.
Húsið verður opnað kl. 21:00 og stendur ballið til miðnættis.
Eins og á öllum öðrum viðburðum innan veggja skólans er neysla áfengis og annarra vímuefna óheimil.