Matsönnin hafin

Í gær, 7. apríl, hófst matsönn VMA fyrir 10. bekkinga sem hafa forinnritað sig í skólann og hafa áhuga á að flýta námi sínu með því að taka próf í allt að fimm byrjunaráföngum dagana 6.-10. júní. Hópurinn telur 20 manns og koma flestir úr grunnskólum Akureyrar en einnig frá Hólmavík, Skagaströnd og Blönduósi. Á fundinum í gær hittu nemendur kennara þá er umsjón hafa með undirbúningi og prófum í viðkomandi greinum sem eru enska, íslenska, náttúrufræði, stærðfræði og upplýsingatækni. Í gær, 7. apríl, hófst matsönn VMA fyrir 10. bekkinga sem hafa forinnritað sig í skólann og hafa áhuga á að flýta námi sínu með því að taka próf í allt að fimm byrjunaráföngum dagana 6.-10. júní. Hópurinn telur 20 manns og koma flestir úr grunnskólum Akureyrar en einnig frá Hólmavík, Skagaströnd og Blönduósi. Á fundinum í gær hittu nemendur kennara þá er umsjón hafa með undirbúningi og prófum í viðkomandi greinum sem eru enska, íslenska, náttúrufræði, stærðfræði og upplýsingatækni.

Verkefni og ítarefni hafa nú verið lögð á kennsluvefinn Moodle sem mun verða gluggi matsannarnemenda að skólanum og náminu. Ekki var annað að sjá en nemendum litist vel á dagskrána fram undan og þeir ætluðu að takast á við þetta spennandi verkefni af æðruleysi og dugnaði.