Nemendur VMA í VIR 104 gera upp vatnstúrbínu og rafal

03.05.2012

Nemendur VMA í VIR 104 gerðu upp vatnstúrbínu og rafal fyrir Hraun í Öxnadal. Það voru þeir Magnús Þór Árnason, Snorri Björn Atlason og Sævar Lárus Áskelsson sem gerðu vatnstúrbínuna upp en síðan tóku allir nemendur í VIR 104 þátt í uppsetningu og prófun. Það voru farnar þrjár vinnuferðir inn að Hrauni í Öxnadal og vatnstúrbínan gangsett 25. apríl og rafmagnsframleiðsla hófst. Búið var að sækja túrbínu og rafala á Hraun í Öxnadal og taka túrbínu í sundur og senda hluta hennar í sandblástur niður á Sandblástur og Málmhúðun.

Töluverður tími hafði liðið frá því hún hafði verið sandblásin þangað til við hófumst handa og þurfti því að ryðhreinsa lok og hús hennar af einhverju leyti aftur, það var ryðhreinsað að mestu leyti með vírbursta í borvél,hreinsað vel með fituhreinsi (bremsuhreinsi) og zinkhúðað. Slettuvörn á loki og húsi var eydd eða brotin þannig að ekki var hjá því komist að steypa í það, en fyrst þurfti að setja nýju legurnar uppá öxulinn og stilla túrbínuhjólið rétt af, svo það yrðu engin óþarfa töp, þegar það var búið boruðum við göt í gegnum legusætin niður í legustæðið snittuðum,svo að þetta færi nú allt rétt saman aftur og ekki þyrfti að stilla aftur. Þá var komið að steypun, við skárum til pappa og bjuggum þannig til mót svo að málmsteypan myndi ekki leka meðfram. Það þurfti að steypa tvisvar til að ásættanlegt yrði . Slettuvörn á driföxli var brotin öðru megin, sú heila var tekin af, en ákveðið var að smíða báðar þar sem það var ekki svo ýkja mikið verk, en í þá smíði voru innri hringarnir úr gömlu legunum notaðir því þeir pössuðu svo vel á öxulinn og smíðaðir nýir skvettuhringir og soðnir á. Túrbínan var svo máluð fagur Johnson græn.

Slettuvörn illa tærð