Nýnemahátíð og nýnemaball

Viðburðarríkir dagar hafa verið hjá nýnemum síðustu daga, en nú er komið að Nýnemahátíðinni sem nemendafélagið Þórduna heldur sérstaklega fyrir nýnema.

Nýnemahátíð í hádeginu

Í hádeginu á fimmtudaginn mun Nýnemahátíðin fara fram í skólanum, en það er nemendafélagið Þórduna sem sér um hátíðina. Hátíðin hefst með grilli fyrir nýnema klukkan 11:30, þar sem Þórduna mun grilla og skapa góða stemningu. Kennsla hjá öðrum nemendum verður samkvæmt stundaskrá, en þetta er frábært tækifæri fyrir nýnema til að hittast og tengjast betur.

Sprengjan - Nýnemaball í Sjallanum

Um kvöldið þann 5. september verður svo haldið mikið fjör þegar nýnemaballið Sprengjan fer fram í Sjallanum og hefst ballið klukkan 22:00. Þetta er viðburður sem margir nýnemar bíða spenntir eftir og er frábær leið til að enda daginn með skemmtun og dansi. Fram koma DJ – GUGGA, Nussun og Hugó, Séra Bjössi og ISSI, sem munu sjá til þess að enginn sitji kyrr.

Verð aðgöngumiða í forsölu er 3000 krónur, en verð við innganginn er 4000 krónur. Miðasala lýkur á miðnætti þann 4. september, svo það borgar sig að tryggja sér miða tímanlega.

Nánari upplýsingar um viðburðinn má finna hér.

Athugið að ölvun ógildir aðgöngumiðann. Við skulum passa upp á hvort annað og njóta kvöldsins á skemmtilegan og öruggan hátt.

Við hlökkum til að sjá ykkur á Nýnemahátíðinni og á Sprengjunni!