Opið hús og Vorhlaup VMA 23. apríl nk.
Það verður heldur betur mikið um að vera hér í VMA þriðjudaginn 23. apríl nk. Þann dag verður opið hús í skólanum og einnig verður efnt til árlegs Vorhlaups VMA.
Opið hús
Opna húsið í VMA verður kl. 16:30-18:30. Allir eru velkomnir að koma og skoða skólann, fá upplýsingar um námsframboð og annað sem fólk vill kynna sér. Bæði kennarar og nemendur verða til viðtals. Nemendafélagið Þórduna býður upp á nýbakaðar vöfflur.
Vorhlaup VMA
Vorhlaup VMA verður þennan sama dag haldið í níunda skipti. Hlaupið hefst við austurinngang skólans kl. 17:30 og eru tvær hlaupaleiðir í boði, 5 og 10 km.
Í 5 km hlaupinu verður keppt í opnum flokki, framhaldsskólaflokki og flokki 15 ára og yngri. Í 10 km hlaupinu verður keppt í opnum flokki og framhaldsskólaflokki. Tímataka verður með flögum.
Verðlaun verða veitt fyrir fyrstu þrjú sætin í öllum flokkum karla, kvenna og kvára auk fjölda útdráttarvinninga. Verðlaunaafhending verður í Gryfjunni í VMA kl. 18:30.
Forskráning er hafin á netskraning.is og verður hún opin til kl. 17.00 á hlaupadegi en einungis þeir sem skrá sig fyrir miðnætti þann 22. apríl eiga möguleika á útdráttarverðlaunum. Hægt verður að skrá sig á keppnisdegi í anddyri austurinngangs VMA kl. 14-17 gegn hærra gjaldi.
Skráningargjöld í forskráningu:
- 500 kr. fyrir grunn- og framhaldsskólanema
- 3000 kr. fyrir hlaupara í opnum flokki
Skráningargjöld á vorhlaupsdegi:
- 500 kr fyrir grunn- og framhaldsskólanema
- 4000 kr fyrir hlaupara í opnum flokki
Hlauparar fá gögn sín afhent í anddyri austurinngangs VMA kl. 14-17 á vorhlaupsdaginn 23. apríl.