Próftafla vorannar 2021

Próftafla

Vakin er athygli á því að próftafla vorannar 2021 hefur verið birt á Innu og er einnig aðgengileg hér á heimasíðu skólans.

ATH:  Núverandi samkomutakmarkanir bjóða upp á skrifleg lokapróf á staðnum en eins og annað þá er þetta með fyrirvara um breytingar.

Nánari upplýsingar varðandi prófhald veita kennarar viðkomandi áfanga.

Próftafla vorannar 2021 í dagskóla

Próftafla vorannar 2021 í fjarnámi 

Sérrúræði í lokaprófum

Nemendur eru minntir á að sækja um sérúrræði í lokaprófum fyrir vorönn 2021 (sækja þarf um á hverri önn), spilara, lituð blöð og eftir atvikum munnlega viðbót eða fámenna stofu. Opið er fyrir skráningu frá 9. apríl til 30. apríl. Hægt er að nálgast leiðbeiningar hér.
Einungis þeir sem eru með staðfest sérúrræði í Innu geta sótt um, ef þú ert með greiningu en hefur ekki komið henni til skólans hafðu þá samband við Hörpu Jörundardóttur.

 

Mikilvæg atriði varðandi próf:

• Stofuskipan í prófunum verður birt á auglýsingatöflum í norðuranddyri skólans a.m.k. 20 mínútum fyrir auglýstan próftíma.

• Nemendur eru hvattir til að mæta tímanlega í prófin.

• Ekki er krafist læknisvottorðs vegna veikinda (nema veikindi vari lengur en tvo daga).

• Nemendur þurfa að sýna persónuskilríki með mynd í prófi eða kennari staðfestir hver nemandi er.

• Ekki er lengur skráður lengri próftími sérstaklega hjá hverjum nemanda.

• Einkunnir verða birtar í Innu.

• Upplýsingar um einkunnir eru ekki veittar í gegnum síma.

 

Sjúkrapróf verða þriðjudaginn 25.maí og miðvikudaginn 26.maí.

Próftafla sjúkraprófa verður birt á auglýsingatöflu í norðuranddyri og á heimasíðu skólans.

Sýnidagur námsmats verður fimmtudaginn 27.maí kl.11:30 - 12:30.

 

Prófareglur: 

1. Ef nemandi er veikur þegar lokapróf fer fram skal hann tilkynna það skrifstofu VMA að morgni prófdags ella hefur hann fyrirgert rétti sínum til sjúkraprófs. Skráning í sjúkrapróf fer fram á skrifstofu skólans um leið og veikindi eru tilkynnt með GÁT-060 Skráning í sjúkrapróf.

2. Nemendum ber að leggja persónuskilríki með mynd á borð eða vinnustöð í upphafi prófs. Ef nemandi hefur ekki persónuskilríki með sér er heimilt að leita til prófhafa til staðfestingar um að nemandi sé skráður í áfanga. Ef ekki er hægt að staðfesta hver nemandi er, skal prófstjóri ákvarða hvernig tekið er á málinu.

3. Próftími kemur fram á forsíðu prófs. Nemendur hafa heimild til að sitja 30 mínútum lengur en próftími segir til um.

4. Nemendum ber að sitja hið minnsta 45 mínútur við verkefni sitt í hverju prófi. Komi nemandi meira en 45 mínútum of seint til prófs, hefur hann glatað rétti sínum til að þreyta prófið.

5. Öll meðferð snjalltækja er stranglega bönnuð á prófstað.

6. Ef vafi leikur á próftökurétti nemanda, t.d. vegna fjarvista eða hann hefur ekki lokið tilskyldum verkefnum, skal nemandinn ganga úr skugga um rétt sinn hjá sviðsstjóra sínum fyrir prófið.

7. Nemanda er ekki heimilt að fara án eftirlits úr prófstofu og koma aftur inn og ljúka við að leysa prófið.

8. Meðferð matar og drykkjar er að öllu jöfnu óheimil í prófstofu.

9. Alger þögn skal ríkja í prófstofu. Ef nemandi þarfnast aðstoðar, skal hann rétta upp hönd. Nemandi má ekki þiggja eða veita öðrum próftökum aðstoð meðan á prófi stendur.

10. Einungis hjálpargögn sem tilgreind eru á forsíðu prófa eru leyfileg.

11. Nemanda er ekki heimilt að hefja próftöku fyrr en yfirsetukennari hefur gefið merki um slíkt.

12. Grunað prófsvindl er tilkynnt til prófstjóra sem metur alvarleika hvers tilviks og hver viðbrögð skulu vera. Prófsvindl þýðir að jafnaði fall í áfanga eða brottrekstur úr skóla.