Punktar frá fundi með foreldrum

Í dag kl. 17 var haldinn fundur með foreldrum nemenda í VMA þar sem skólameistari fór yfir ýmsa þætti í skólastarfinu nú þegar verkfall er hafið. 

Hér eru helstu punktar af fundinum: 

• Fulltrúar í samningsnefndum deiluaðila hafa verið á fundi hjá sáttasemjara frá því kl. 15 í dag og vonandi skilar sá fundur árangri.
• Foreldrar eru hvattir til að fylgjast með fréttum og upplýsingar um upphaf skólastarfs á ný verðar settar á heimasíðuna þegar samningar nást. Gera má ráð fyrir því að skólastarf hefjist daginn eftir að samningar nást. Það sem verður sett á heimasíðu skólans er það sem ganga á útfrá. 
• Dragist verkfall á langinn getur það haft áhrif á skóladagatalið ef vinna þarf upp tapaðan tíma. Sem dæmi þá gæti orðið kennsla á "rauðum dögum" og á laugardögum. 
• Fjallað var um starfsemi sem er í skólanum á meðan verkfalli stendur t.d. starfsemi á bókasafni, viðvera hjúkrunarfræðings og FabLab er opið. Sjá nánar í frétt á heimasíðunni. 
• Foreldrar hvattir til að ræða um námið við börn sín, skoða námsáætlanir í Innu, vinna verkefni sem hægt er að vinna og undirbúa sig sem best fyrir það sem þarf að vinna upp. 
• Hvetja nemendur til að halda í alla rútínu, hafa reglu á svefni og hafa hreyfingu inn í dagskrá dagsins. Þá er mikilvægt að hitta vini sína og halda í félagslega rútínu. 
• Formaður nemendafélagsins og viðburðarstjóri sögðu frá því sem er að gerast í félagslífi nemenda en þar er efst á blaði árshátíð sem haldin verður 21. mars og bílaratleikur sem verður næsta fimmtudag. Nánari upplýsingar eru á  Instagram síðu nemendafélagsins Þórdunu. 
• Á fundinum var rætt um það hvort foreldrar ættu að senda frá sér ályktun þar sem skorað er á deiluaðila að ná samningum náist ekki samningar eftir fundinn í dag. Þau sem vilja taka þátt í að semja ályktun geta sett sig í samband við Þorbjörgu Ólafsdóttur thorbjorg@akmennt.is eða til skólameistara sigridur.h.jonsdottir@vma.is 
• Á fundinn skráðu sig 80 manns sem er frábær mæting. Takk öll fyrir góða mætingu.  
• Hér eru glærur sem skólameistari fór yfir.