Sturtuhausinn - skráningum lýkur 14. janúar!

Þann 24. janúar nk. verður Sturtuhausinn, söngkeppni VMA, í Menningarhúsinu Hofi á Akureyri. Keppnin er jafnan einn af hápunktum í félagslífinu í skólanum og því mikið í hana lagt.

Opnað hefur verið fyrir skráningar í keppnina og eru áhugasamir söngfuglar hvattir til að skrá sig sem fyrst. Frestur til skráningar rennur út kl. 20:00 nk. mánudagskvöld, 14. janúar.

Sem fyrr verður hljómsveit á sviðinu sem sér um undirspilið fyrir þá söngvara sem það kjósa og verður hún að þessu sinni skipuð ungum og bráðefnilegum tónlistarmönnum: Jón Tumi-Hrannar Pálmason, tónlistarstjórn og bassi, Hafsteinn Davíðsson á trommur. Jóhannes Stefánsson á gítar og Styrmir Þeyr Traustason á píanó. Guðjón Jónsson hljómborðsleikari verður ungu tónlistarmönnunum innan handar við undirbúning keppninnar. 

Þá verður Rúnar EFF keppendum innan handar með tækni, sviðsframkomu og fleira því tengt og er það nýbreytni í keppninni.

Sigurvegari Söngkeppni VMA verður fulltrúi skólans í Söngkeppni framhaldsskólanna sem fer fram þegar nær líður vori.

Á síðasta skólaári fór Sturtuhausinn fram þann 16. nóvember 2017. Embla Sól Pálsdóttir sigraði þá keppni eins og hér má sjá.