Tveir Íslandsmeistaratitlar í hús!

Íslandsmeistarinn í rafvirkjun, Óliver Pálmi Ingvarsson, Friðrik Óli Atlason kennari í rafvirkjun og Droplaug Dagbjartsdóttir sem fékk viðurkenningu fyrir bestu frammistöðuna í forritunarhluta keppninnar í rafvirkjun.

Nemendur VMA stóðu sig frábærlega á Íslandsmóti iðn- og verkgreina í Laugardalshöllinni sem hófst sl. fimmtudag og lauk sl. laugardag. Tveir Íslandsmeistaratitlar í hús, annars vegar í rafvirkjun og hins vegar í rafeindavirkjun.

Átta keppendur tóku þátt í Íslandsmótinu af hálfu VMA:

Húsasmíði
Sigursteinn Arngrímsson

Málmsuða
Jón Steinar Árnason
Steindór Óli Tobiasson

Rafeindavirkjun
Hreiðar Logi Ásgeirsson,
Jóhann Ernir Franklín
Sindri Skúlason

Rafvirkjun
Óliver Pálmi Ingvarsson
Droplaug Dagbjartsdóttir

Óliver Pálmi sigraði í samanlögðu í rafvirkjuninni og varð Íslandsmeistari. Droplaug stóð sig einnig frábærlega og fékk viðurkenningu fyrir bestan árangur í forritunarhluta keppninnar.

Sindri Skúlason varð Íslandsmeistari í rafeindavirkjun og Jóhann Ernir Franklín varð í öðru sæti – sem sagt tvö efstu sætin í rafeindavirkjuninni.

Sigursteinn Arngrímsson gerði einnig  gott mót í húsasmíðinni og var hársbreidd frá því að ná bronssætinu.

Jón Steinar Árnason varð í þriðja sæti í gríðarlega jafnri og harðri málmsuðukeppni og Steindór Óli Tobiasson varð í fjórða sætinu.