Upphaf haustannar 2024 - velkomin í VMA
Skrifstofa skólans hefur opnað eftir sumarfrí. Opnunartímar eru kl. 8:15 -15 alla virka daga nema föstudaga en þá er opið til kl. 13, lokað er í hádeginu alla daga milli kl. 12:10 og 12:30. Stjórnendur eru komnir til starfa og náms- og starfsráðgjafar koma til starfa 12. ágúst. Nálgast má netföng hjá starfsfólki skólans á heimasíðunni.
Móttaka nýnema
Mánudaginn 19. ágúst mæta nýnemar (nemendur fæddir 2008 eða 2009) í skólann kl. 13:00. Mæting er í Gryfjuna og verður nemendum skipt niður í hópa eftir umsjónarkennurum, hægt er að sjá umsjónarkennara í Innu. Mikilvægt er að allir nýnemar mæti.
Foreldrum/forráðamönnum er velkomið að koma með nemendum.
Nemendur fæddir 2007 og fyrr sem ekki hafa verið áður í VMA eru boðaðir á kynningarfund mánudaginn 19. ágúst kl. 11.30 í M01. Nemendur sem hafa áður verið í VMA en langt er síðan síðast eru einnig velkomnir á þennan fund.
Fundur með foreldum/forsjáraðilum
Til að efla samstarf heimilis og skóla eru forráðamenn nýnema boðaðir á rafrænan kynningarfund með námsráðgjöfum og stjórnendum á Teams mánudaginn 19. ágúst kl. 17:00, slóð á fundinn verður sett inn á heimasíðu skólans þegar nær dregur. Helsti tengiliður ykkar við skólann á þessu fyrsta ári verður umsjónarkennari nemanda (nafn umsjónarkennara kemur fram í Innu). Einnig er hægt að hafa samband við sviðsstjóra eða aðra stjórnendur eftir því sem við á.
Fyrsti kennsludagur og stundatöflur
- Stundaskrár nemenda verða opnaðar í Innu eigi síðar en föstudaginn 16. ágúst.
- Kennsla hefst samkvæmt stundaskrá þriðjudaginn 20. ágúst.
- Nemendur finna upplýsingar um bækur og námsgögn í Innu þegar stundatöflur birtast.
Hagnýtar upplýsingar
Nemendur þurfa að verða sér út um rafræn skilríki áður en önnin hefst.
Við bendum á upplýsingasíðu um upphaf annar og hvetjum nemendur til að kynna sér efni síðunnar en þar má finna ýmsar upplýsingar um skólann og skólastarfið. Nýnemar (fæddir 2008/2009) og nýir nemendur í VMA eru beðnir um að kynna sér vel upplýsingar sem eru á þessari síðu.
Hlökkum til að taka á móti nýjum og öðrum nemendum VMA.
Sigríður Huld skólameistari VMA