HUGM2HÚ05 - Hönnun

HUGM2HÚ05   HÖNNUN / ÚTFÆRSLA 

Áfangalýsing 

 Í áfanganum er fjallað um aðferðir til að efla skapandi hugsun, leikni í þróun hugmynda og hæfni til að koma þeim á framfæri. Notaðar eru ýmsar aðferðir við að skrásetja hugmyndir og þróa þær í gegnum leik og tilraunir. Lögð er áhersla á að skoða margvíslegar útfærsluleiðir, þar sem nemendur vinna bæði sjálfstætt og í samvinnu við aðra. Rík áhersla er lögð á mikilvægi ímyndunaraflsins í sköpunarferlinu og unnið með ólíkar aðferðir til að virkja það. Áhersla er lögð á umræður um verkefnin og að nemendur læri hver af öðrum.

 

Þekkingarviðmið

Nemandi skal hafa öðlast þekkingu og skilning á:

• hugkortum, hugstormun, spuna, þemavinnu og synektískri aðferðafræði

• markvissum leiðum til að halda utan um hugmyndir sínar og úrvinnslu þeirra

• þýðingu fjölbreyttrar gagnasöfnunar við þróun hugmynda

• hugsanaferlinu frá hugmynd til listrænnar sköpunar

• eigin persónulegu leiðum við hugmyndavinnu

• samhenginu á milli hugmyndar, efnis, rýmis, tækni, aðferða og niðurstöðu

• möguleikum rýmis, lita, ljóss, hljóðs, tækja og tóla við úrvinnslu og framkvæmd hugmynda  

Leikniviðmið

Nemandi skal hafa öðlast leikni í að:

• vinna ferlið frá hugmynd til afurðar

• beita opinni og leitandi hugsun við þróun hugmynda

• sjá skapandi möguleika í mistökum sem hann gerir

• skýra hugmyndir sínar á munnlegan, skriflegan og myndrænan hátt

• beita margvíslegum aðferðum til að virkja ímyndunaraflið

• koma auga á óvænt samhengi og gera það sýnilegt

• beita sjálfstæði, frumkvæði og hugmyndaauðgi í vinnubrögðum við framsetningu eigin hugmynda

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• þróa hugmyndir sínar á opinn og skapandi hátt í gegnum tilraunir, fræðilegar aðferðir og eftir markvissu þróunarferli

• nýta margvíslega möguleika við úrvinnslu og framkvæmd hugmynda

• nýta sér skipulegar rannsóknar aðferðir til þess að skerpa á og halda utan um hugmyndir, bæta úrvinnslu og persónuleg efnistök í skapandi starfi

• vinna hugmyndavinnu í hóp og bera virðingu fyrir öðrum og skoðunum annarra.

• kynna hugmyndir sínar á fjölbreyttan hátt rökstyðja eigið verk, taka gagnrýni og gagnrýna aðra á jákvæðan hátt