Grunnskólanemar frá Þórshöfn í heimsókn

Grunnskólanemar frá Þórshöfn í heimsókn í gær.

Nemendur í 9. og 10. bekk Grunnskólans á Þórshöfn komu í heimsókn í VMA í gær og kynntu sér skólastarfið.

Sérstaklega ánægjulegt var að fá krakkana, sem bæði eru frá Þórshöfn og úr sveitunum þar í kring, í heimsókn enda heldur betur um langan veg að fyrir þá, frá Þórshöfn til Akureyrar eru sem næst 250 kílómetrar.

Svava Hrönn Magnúsdóttir námsráðgjafi tók á móti krökkunum, sagði þeim frá náminu og lífinu í VMA og sýndi þeim húsakynni skólans.