Mille Guldbeck með þriðjudagsfyrirlestur

Í dag, þriðjudaginn 15. mars, kl. 17 heldur myndlistarkonan Mille Guldbeck fyrirlestur í Ketilhúsinu undir yfirskriftinni My Fingers are my Eyes.

Í fyrirlestrinum fjallar Mille um nýjustu verk sín sem hún hefur unnið í gestavinnustofu Gilfélagsins sem og ferlið í vinnu hennar með málverk og textíl. Mille vinnur og starfar í Bandaríkjunum og Danmörku og er prófessor í málaralist við Bowling Green State University, í Ohio í Bandaríkjunum.

Fyrirlesturinn er hluti af fyrirlestraröð í Ketilhúsinu á þriðjudögum í vetur og er þetta sá nítjándi og síðasti í vetur.

Fyrirlestraröðin er samvinnuverkefni Listasafnsins á Akureyri, Verkmenntaskólans, Háskólans á Akureyri og Myndlistaskólans á Akureyri.

Aðgangur er ókeypis og eru allir velkomnir.