Nýr kynningarbæklingur um VMA

Vert er að vekja athygli á því að út er kominn glænýr kynningarbæklingur um Verkmenntaskólann á Akureyri. Í bæklingnum er leitast við að varpa ljósi á námið í skólanum frá öllum hliðum, fyrir hvað skólinn stendur, fjallað er um félagslífið, heimavistina, inntökuskilyrði, innritun nemenda úr 9. bekk grunnskóla og margt fleira. Einnig segja fyrrverandi nemendur frá náminu í VMA þegar þeir voru í skólanum.

Bæklingurinn kemur að góðum notum við kynningu á skólanum á næstu dögum og vikum. Strax í þessari viku kemur fjöldi grunnskólanema frá Akureyri og nágrannabyggðum í VMA til að fá kynningu á skólanum.