Íslenskubrú

Brautarlýsing

Námsbrautin er ætluð nemendum af erlendum uppruna með litla sem enga þekkingu á íslensku. Nemendur með annað móðurmál en íslensku hafa ólíkan bakgrunn hvað varðar nám, menningu og tungumál. Þeir hafa mismikla undirstöðu í eigin tungumáli, læsi og námi og eru því misjafnlega undirbúnir að takast á við nýtt tungumál í nýju umhverfi. Þeir hafa einnig verið mislengi á Íslandi og fengið ólík tækifæri til að kynnast íslenskri tungu. Saman fara markmið þar sem leitast er við að þjálfa nemendur í íslensku máli, sem og menningarfærni, og með því stuðla að félagslegri vellíðan nemandans. Þau fela í sér að nýja tungumálið sé lykill að íslensku samfélagi, skólastarfi, atvinnuumhverfi og brúi ólíka menningarheima. Með námi á brautinni er stefnt að því að nemendur verði sem best í stakk búnir til að taka virkan þátt í íslensku, lýðræðislegu þjóðfélagi.

Inntökuskilyrði

Námsbrautin er opin þeim nemendum sem hafa annað móðurmál en íslensku eða að hafa alist upp erlendis.

Sam­kvæmt íslenskum lögum raðast nem­endur í for­gangsröð eftir aldri þannig að þeir yngstu hafa mestan for­gang. Síðastliðin ár hafa nem­endur verið 16–20 ára sem teknir eru inn og fyllt hópana og enginn nem­andi eldri en 20 ára. 

Þeir sem sækja um nám á þessari braut en vita ekki hvaða stig þeir ættu að velja skulu hafa sam­band við Jóhannu Björk Sveinbjörnsdóttur, verkefnastjóri erlendra nema. 

Námið

Íslenskubrú er námsleið sem skipt er á fjórar annir þar sem áherslan er á fjölbreytta íslenskukennslu. Með námi á brautinni er nemendum gert kleift að auka möguleika sína til náms og starfa í íslensku samfélagi. 

Við námslok á íslensku­braut er reiknað með að nem­endur séu und­ir­búnir fyrir frekara nám í íslenskum fram­halds­skólum eða hafi bætt svo mjög íslenskukunn­áttu sína að hún nýtist þeim á vinnu­markaði.

Annarplan