Listnám - kvöldskóli

Lýsing

Námið er tveggja anna nám sem miðar að því að opna heim sjónlista fyrir nemendum og undirbúa þá fyrir nám á háskólastigi á sviði skapandi greina sem byggja á sjónlistagrunni.  Nemendum gefst tækifæri til að efla færni sína á ýmsum sviðum sjónlista. Áhersla er lögð á að opna gáttir inn í heim sjónræns tungumáls og skapandi vinnu. Verkleg framkvæmd er í fyrirrúmi og að nemendur finni eigin farveg og áhugasvið í sjálfstæðri sköpun. Þeir vinna ferlimöppu sem nýtist þeim við umsókn um framhaldsnám í listum og/eða hönnun á háskólastigi.

Inntökuskilyrði

Æskilegt er að nemandi hafi lokið stúdentsprófi (eða öðru námi á 3.þrepi), kominn áleiðs í námi eða hafi annan undirbúning sem gæti talist sambærilegur. Verði umsóknir fleiri en nemapláss verður horft til fyrra náms og annars undirbúnings við inntöku.

Skipulag

Námið er kvöldnám. Kennt verður þrjá daga vikunnar, mánudaga, þriðjudaga og miðvikudaga frá 16:20 til 21:00.

Innritunargjald er 106.000 kr. á 1.önn og 82.500 kr. á 2.önn

Hér er hægt að sækja um námið. Umsóknartímabil er frá 2.maí - 23.maí

Annarskipulag

1.ÖNN	2.ÖNN
SJÓN1LF05	LIME3MU05
SJÓN1TF05	LISA3NÚ05
HUGM2HÚ05	FORM1FH03
MARG2HG03	MYNL2ÞF05
HÖTE3HS05	FABL2FL05
LIME2ML05	MYNL2GR05
HÖNN3VS05	FEMA3FM02
LISA2RA05	VSTÆ3FL03*
	VSTÆ3RÝ03*
	VSTÆ3TÍ03*
38 einingar	33 einingar

*Nemendur velja einn af VSTÆ áföngunum.