Nám í kjötiðn haustið 2023

Fyrirhugað er að bjóða upp á nám í kjötiðn haustið 2023, ef næg þátttaka fæst. Inntökuskilyrði er að nemendur séu komnir á námssamning. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.  

Hægt er að sækja um námið hér 

Miðað verður við kennslu verklegra áfanga eina helgi í mánuði frá föstudegi til sunnudags. Fagbóklegir áfangar verða kenndir í fjarnámi.  

Nemendur sem hafa undirgengist raunfærnimat fá viðkomandi áfanga metna. Almennar greinar, t.d. íslensku og stærðfræði, þurfa nemendur að taka í dagskóla, fjarnámi eða hjá símenntunarmiðstöðvum. 

Námið er tvær annir í skóla og er gert ráð fyrir því að síðari önnin verði kennd vorönn 2025. Til viðbótar við skólatímann vinna nemendur að verkþáttum skv. rafrænni ferilbók hjá meistara.