Ritlistakeppni Ungskálda - verðlaunaafhending
Verið velkomin á verðlaunaafhendingu í Ritlistakeppi Ungskálda 2019, fimmtudaginn 5. desember klukkan 17 á Amtsbókasafninu á Akureyri. Alls bárust 35 verk í keppnina eftir 16 höfunda. Engar hömlur voru settar á hvers konar textum var skilað inn, hvorki varðandi efnistök né lengd. Þeir þurftu þó að vera á íslensku. Þriggja manna dómnefnd hefur farið yfir verkin og tilkynnir úrslit ásamt umsögn á fimmtudaginn og hljóta þrjú efstu sætin viðurkenningar og peningaverðlaun. Verðlaunahafar lesa verk sín, tónlistaratriði, kakó og smákökur í boði fyrir gesti. Ungskáld er verkefni á Akureyri sem miðar að því að efla ritlist og skapandi hugsun hjá ungu fólki á aldrinum 16-25 ára. Verkefnið er hið eina sinnar tegundar á landinu. Í nefnd Ungskálda eru fulltrúar frá Akureyrarstofu, Verkmenntaskólanum á Akureyri, Menntaskólanum á Akureyri, Ungmennahúsinu í Rósenborg og Amtsbókasafninu. Verkefnið er styrkt af Sóknaráætlun Norðurlands eystra og Akureyrarbæ.