Vélvirkjun (Staðfestingarnúmer 397)
Nám í málm- og véltæknigreinum er sambland af verk- og bóknámi sem miðar að því að búa nemandann undir líf og störf í nútíma lýðræðissamfélagi þar sem reynir á gagnrýna hugsun og upplýsingaöflun auk virkrar þátttöku í mótun þess samfélags sem nemandinn er hluti af. Markmið náms í vélvirkjun er að að gera nemandann færan um að uppfylla hæfnikröfur sem gerðar eru til vélvirkja en þeir fást m.a. við uppsetningu, viðgerðir, viðhald, endurnýjun og þjónustu á hvers kyns vél- og tæknibúnaði t.d. í skipum, vinnslustöðvum, vinnuvélum, verksmiðjum, orkuverum og orkuveitum.
Forkröfur
Inntökuskilyrði á brautina eru að nemendur hafi lokið kjarnagreinum grunnskóla með fullnægjandi árangri. Námsárangur í kjarnagreinum mun einnig hafa áhrif á inn á hvaða þrep nemandinn innritast. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.
Skipulag
Fyrsta árið er grunnnám málm- og véltæknigreina. Annað árið í vélvirkjanámi inniheldur faggreinar (iðnnámsgreinar), auk kjarnagreina sé þeim ólokið. Námið felst bæði í bók- og verknámi. Þriðja námsárið inniheldur faggreinar. Náminu lýkur með sveinsprófi í vélvirkjun (að lokinni starfsþjálfun) sem veitir rétt til starfa við vélvirkjun og til inngöngu í nám til iðnmeistaraprófs. Að loknu sveinsprófi hefur neminn ennfremur öðlast rétt til að sækja um vélavarðaréttindi 750kW að 12 metrum samanber reglugerð 850/2017.
Námsmat
Lögð er áhersla á leiðsagnarmat og símat sem gefur nemendum uppbyggilega og hvetjandi leiðsögn og metur vinnuframlag þeirra jafnt og þétt yfir námstímann. Námsmat er fjölbreytt og aðferðir taka mið af fjölbreyttum kennsluháttum, námsmarkmiðum og hæfni nemenda. Námsmat á brautinni er fólgið í símati og lokaprófi eða eingöngu símati. Nánari tilhögun námsmats s.s. skiladagar verkefna og vægi kemur fram í námsmatsreglum skólans.
Reglur um námsframvindu
Nám á brautinni er 247 einingar og skilar nemendum hæfni á 3. þrepi. Til að standast námsmat í áfanga og fá heimild til að hefja nám í eftirfarandi áfanga þarf lágmarkseinkunnina 5. Reglur um námsframvindu eru birtar í skólanámskrá.
Hæfnisviðmið
- tileinka sér heilbrigðan lífsstíl
- taka virkan þátt í lýðræðissamfélagi
- sýna öðrum virðingu óháð kyni, þjóðerni, aðstæðum og lífsgildum
- sýna frumkvæði og beita sköpunargáfu til lausnar viðfangsefna
- leysa verkefni sem fela í sér meðferð á tölum og tölfræði
- gera grein fyrir skoðunum sínum og hugmyndum á fjölbreyttan hátt
- sýna ábyrgð í umgengni um umhverfi sitt og náttúru
- sinna almennum og sérhæfðum störfum sem tengjast málmiðngreinum
- gæta ávallt fyllsta öryggis við störf sín
- lesa teikningar og verk- og framleiðsluleiðbeiningar
- meðhöndla efni, áhöld og tæki sem notuð eru í málmiðngreinum
- tileinka sér nýjungar á starfsvettvangi sínum
- greina almenna þætti í málmiðngreinum, m.a. gæða- og framleiðslumál
- vinna sjálfstætt og í samstarfi við aðra
- meta efnismagn og kostnað fyrir tiltekin verkefni
- meta verk og aðstæður með tilliti til þekkingar sinnar, m.a. á afl- og straumfræði og efnisfræði málmiðna
- takast á við frekara nám, t.d. nám til meistararéttinda
| Námsgrein | 1. þrep | 2. þrep | 3. þrep | ||
|---|---|---|---|---|---|
| Eðlisfræði | EÐLI | 2AO05 | 0 | 5 | 0 |
| Enska | ENSK | 2LS05 | 0 | 5 | 0 |
| Heilsufræði | HEIF | 1HN02(AV) 1HN02(AV) | 4 | 0 | 0 |
| Heilsa, lífsstíll | HEIL | 1HH02 1HH02(AV) | 4 | 0 | 0 |
| Íslenska | ÍSLE | 2HS05(AV) | 0 | 5 | 0 |
| Lífsleikni | LÍFS | 1SN01 1SN02 | 3 | 0 | 0 |
| Skyndihjálp | SKYN | 2EÁ01 | 0 | 1 | 0 |
| Stærðfræði | STÆF | 2RH05 | 0 | 5 | 0 |
| Einingafjöldi | 32 | 11 | 21 | 0 | |
| Námsgrein | 1. þrep | 2. þrep | 3. þrep | ||
|---|---|---|---|---|---|
| Efnisfræði málma | EFMA | 1JS04 | 4 | 0 | 0 |
| Grunnteikning | GRUN | 1FF04 2ÚF04 | 4 | 4 | 0 |
| Hlífðargassuða | HLGS | 2MT03 2SF04(AV) | 0 | 7 | 0 |
| Iðnteikning málmiðna | IÐNT | 3AC05(AV) 3CN04 | 0 | 0 | 9 |
| Kælitækni | KÆLI | 2VK05(AV) | 0 | 5 | 0 |
| Lagnatækni | LAGN | 3RS04(AV) | 0 | 0 | 4 |
| Logsuða | LOGS | 1PS03(AV) | 3 | 0 | 0 |
| Rafsuða | RAFS | 1SE03(AV) | 3 | 0 | 0 |
| Rafmagnsfræði | RAMV | 1HL05 2MJ05(AV) 2SR05(AV) | 5 | 10 | 0 |
| Rafeindatækni | REIT | 2AR05 | 0 | 5 | 0 |
| Rökrásir | RÖKR | 3IS05(AV) | 0 | 0 | 5 |
| Smíðar | SMÍÐ | 1NH05 2NH05 3VV05 | 5 | 5 | 5 |
| Stýritækni málmiðna | STÝR | 1LV05(AV) | 5 | 0 | 0 |
| Vélfræði | VÉLF | 1AE05(AV) 2VE05(AV) | 5 | 5 | 0 |
| Vélstjórn | VÉLS | 1GV05 2KB05 2TK05(AV) 3VK05(AV) | 5 | 10 | 5 |
| Véltækni | VÉLT | 3ÁL04(AV) | 0 | 0 | 4 |
| Viðhald véla | VIÐH | 3VV04(AV) | 0 | 0 | 4 |
| Viðhalds- og öryggisfræði | VÖRS | 1VÖ04 | 4 | 0 | 0 |
| Einingafjöldi | 130 | 43 | 51 | 36 | |
| Námsgrein | 1. þrep | 2. þrep | 3. þrep | ||
|---|---|---|---|---|---|
| Starfsþjálfun | STAÞ | 1MS20 2MS20 2VS20 3MS20(AV) | 20 | 40 | 20 |
| Einingafjöldi | 80 | 20 | 40 | 20 | |
Frjálst val
Nemendur hafa 5 einingar í frjálsu vali.